भगवान श्री मच्छिंद्रनाथ यात्रेनिमित्त भालगाव येथे अखंड हरिनाम सप्ताहास प्रारंभ

पाथर्डी प्रतिनिधी राजेंद्र चव्हाण:
तालुक्यातील भालगाव येथे श्री क्षेत्र मायंबा विठ्ठल रुख्माई संस्थान येथील भगवान श्री मच्छिंद्रनाथ यात्रेनिमित्त अखंड हरिनाम सप्ताहाचे आयोजन करण्यात आले आहे.
सालाबाद प्रमाणे श्री ह. भ. प. न्यायाचार्य महंत डॉ. नामदेव महाराज शास्त्री भगवानगडकर यांच्या अध्यक्षतेखाली, वै. ह. भ. प. महंत निगमानंद महाराज श्री मच्छिंद्रनाथ गड निमगाव यांच्या आशीर्वादाने व श्री ह. भ. प. महंत नवनाथ महाराज शास्त्री यांच्या कुशल मार्गदर्शनाखाली दिनांक ३ एप्रिल ते १० एप्रिल या कालावधीत हरिनाम सप्ताह व ग्रंथराज ज्ञानेश्वरी सामुदायिक पारायण सोहळ्याचे आयोजन करण्यात आलेले आहे तसेच श्री ह. भ. प. रामायणचार्य लक्ष्मण महाराज शिरपे नांदेवली यांचे गीत रामायण कथा १ ते ४ या वेळेत होणार आहे.
अखंड हरिनाम सप्ताह दरम्यान गुरुवार (दि.३ ) श्री ह. भ. प. महामंडलेश्वर अमृत महाराज जोशी बीड, शुक्रवार (दि. ४ )श्री ह. भ. प विनोदाचार्य शिवा महाराज बावस्कर वाशिम, शनिवार (दि.५) श्री ह. भ. प. ज्ञानेश्वर महाराज जळकेकर यांचे सुश्राव्य व भक्तिमय वातावरणात किर्तन सेवा झालेली आहे तसेच राम नवमी निमित्त रविवार (दि.६) श्री ह. भ. प. काशिनाथ महाराज शास्त्री भगवानगड यांचे सकाळी १० ते १२ या वेळेत कीर्तन सेवा संपन्न झाली आहे व सायंकाळी श्री ह. भ. प. विनोदाचार्य ज्ञानेश्वर महाराज तांबे नेवासा यांचे कीर्तन होईल सोमवार (दि ७ ) श्री ह. भ. प. समाधान महाराज शर्मा केज, मंगळवार (दि.८) श्री ह. भ. प. समाजभूषण शालिनीताई महाराज इंदोरीकर संगमनेर, बुधवार (दि.९) श्री ह. भ. प. महंत दयानंद महाराज कोरेगावकर यांचा कीर्तनाचा कार्यक्रम होऊन गुरुवार (दि.१०) रोजी सकाळी ११ ते १ या वेळेत श्री ह. भ. प. महंत नवनाथ महाराज शास्त्री श्रीक्षेत्र मायंबा विठ्ठल रुक्माई संस्थान भालगाव यांचे अमृततुल्य काल्याचे किर्तन होऊन त्यानंतर श्री गंगाधर साहेबराव सुपेकर (सर), श्री विठ्ठल अंबरनाथ कासुळे, श्री सतिश शंकर काळे यांच्या महाप्रसादाने सप्ताहाची सांगता होणार आहे.
दरम्यान श्री ह. भ. प. न्यायाचार्य महंत डॉ. नामदेव महाराज शास्त्री श्रीक्षेत्र भगवानगडकर यांची सप्ताहास सदिच्छा भेट राहील. परिसरातील भाविकांनी या धार्मिक कार्यक्रमाचा अवश्य लाभ घ्यावा, असे आवाहन ह. भ. प. नवनाथ महाराज शास्त्री व समस्त भालगाव ग्रामस्थांच्या वतीने करण्यात आले आहे.