चंद्रगिरी महाराजांच्या यात्रोत्सवानिमित्त विविध कार्यक्रमांचे आयोजन

मांजरी (किशोर बाचकर): मांजरी व पानेगाव चे गावचे ग्रामदैवत म्हणून प्रसिद्ध असलेले चंद्रगिरी महाराजांचा यात्रा उत्सव आजपासून चैत्र पौर्णिमेला सुरू होतो. सलग तीन दिवस याञा उत्सव असतो
चैञ पौर्णिमेच्या दिवशी पहाटे गोदावरी नदीतुन आणलेल्या गंगाजल कावडीने नवयुवक जलाभिषेक करतात. जलाभिषेक पहिला मान गावातील तेली समाजाला असून आंबील आरतीचा मान पानेगाव चे जंगले यांना आहे. पूर्वीची आख्यायिका अशी आहे की मुळा नदीच्या काठावर चंद्रगिरी महाराज भक्ताच्या स्वप्नात जाऊन बोलले की, मी नदीच्या काठावर आहे मला मामा भाषांची बैलजोडीत मला इथून घेऊन जा.
चैत्र पौर्णिमेला चंद्रगिरी महाराजांच्या मूर्तीचा प्राणप्रतिष्ठा सोहळा मांजरी याठिकाणी करण्यात आला. त्यानंतर दरवर्षी चैत्र पौर्णिमेला या ठिकाणी उत्सव साजरा करण्यात येत असतो.यात्रेच्या दिवशी या ठिकाणी जिल्ह्यातून अनेक ठिकाणाहून नवसपूर्तीसाठी भाविक भक्तांची गर्दी करतात. नवसपूर्तीसाठी येथे गुळाची शेरणी वाटप केली जाते. यात्रेच्या दिवशी म्हणजे संध्याकाळी रथा वरून मिरवणूक काढली जाते. या मिरवणुकीच्या वेळेस पानेगाव मांजरी या दोन्ही गावच्या बाजूने मुळा नदी तटावर फटाक्यांची आतिषबाजी पाहावयास मिळते. आतिषबाजी पाहण्यासाठी येथील परिसरातील हजारो भाविक आतिषबाजीचा आनंद घेतात.
यात्रेच्या दुसऱ्या दिवशी कुस्त्यांचा हगामा तसेच बैलगाड्यांच्या शर्यती येथे साजरी करण्यात येतात. कुस्त्यांच्या हगाम्यात जिल्ह्यातील व राज्यातुन नामवंत मल्ल येथे येत असतात. तसेच बैलगाड्यांच्या शर्यती राज्यातील टांगेवाली सहभागी होतात.
तिसऱ्या दिवशी म्हणजे यात्रेच्या शेवटच्या दिवशी महिला यांची खरेदीसाठी गर्दी उसळलेली असते.पोलिस तसेच दक्ष पोलिस मिञ व गावातील यात्रा कमिटीकडून खरेदीसाठी आलेल्या महिला वर्गाला टवाळखोरांपासुन त्रास होणार नाही याची काळजी घेतली जाते.
मांजरी व पानेगाव या दोन्ही गावांमध्ये कुठल्याही प्रकारे छत्री तसेच दुमजली इमारत तसेच पलंग गादीचा वापर केला जात नाही. या गोष्टीचा चंद्रगिरी महाराजांना वर्ज्य असल्याने गावांमध्ये या गोष्टींचा वापर केला जात नाही.